បច្ចេកទេសក្នុងការយកទៀបមកផលិតជាថ្នាំសម្រាប់ការពារសត្វល្អិត

1. សមាសធាតុប្រឆាំងនឹងសត្វល្អិត
ស្លឹកទៀប មានផ្ទុកនូវសមាសធាតុ Alkaloids រីឯគ្រាប់ទៀបមានផ្ទុកសមាសធាតុឈ្មោះថា Acetogenins ដែលបង្អាក់សកម្មភាព ក្នុងការផលិតថាមពលរបស់សត្វល្អិត។

2. ផ្នែកប្រើប្រាស់
- ផ្លែខ្ចី 
- គ្រាប់
- ស្លឹក
- ឫស

3. វិធីផ្សំ និង វិធីប្រើប្រាស់
3.1.ថ្នាំផ្សំពីស្លឹកទៀប÷
- ហាន់ស្លឹកទៀបស្រស់ ទម្ងន់កន្លះ (០.៥) គីឡូក្រាម
- ស្ងោរស្លឹកទៀបជាមួយទឹក ២ លីត្រ រួចរម្ងាស់ឲ្យនៅសល់ត្រឹមតែកន្លះលីត្រ
- ច្រោះល្បាយចម្រាញ់យកទឹកមេថ្នាំ
- លាយទឹកមេថ្នាំ ជាមួយទឹកចំណុះ ១០-១៥ លីត្រ រួចស្រោច ឬ បាញ់លើរុក្ខជាតិដែលទទួលរងការបំផ្លាញពីសត្វល្អិត។
3.2..ថ្នាំផ្សំពីគ្រាប់ទៀប÷
- យកគ្រាប់ទៀបទម្ងន់ ៥០០ ក្រាម (០.៥ គីឡូក្រាម) មកកិន ឬ បុកឲ្យម៉ដ្ដ
- យកគ្រាប់ទៀបម៉ដ្ដខាងលើ លាយជាមួយទឹក ២០ លីត្រ រួចរក្សាទុក ១-២ ថ្ងៃ
- យកទឹកថ្នាំខាងលើ បាញ់ទៅលើរុក្ខជាតិដែលទទួលរងការបំផ្លាញពីសត្វល្អិត។

4. ប្រសិទ្ធភាពលើសត្វល្អិត
- ចៃ 
- កណ្ដូប
- មមាចត្នោត 
- មមាចខៀវ
- អណ្ដើកមាស